MITINGOG na ang actor nga si Diego Loyzaga kinsa nag-atubang og reklamong ‘malicious mischief’ base sa reklamo sa Grab driver John Ronnel Paglalunan nga nakamugna og kadaot sa unit nga gimaneho niini human nagwala ang actor.
Ang 23 anyos nga si Loyzaga nga nahinabi sa TV Patrol Weekend niadtong Sabado sa gabii miklaro nga dili siya hubog atol sa hitabo, gani natulog siya sud sa iyang sakyanan sa dihang diriyot sila madisgrasya tungod sa kalit miliko si Paglalunan diha sa ilang atubangan.
Ang maong insidente nahitabo niadtong Biyernes sa 3:00 sa kadlawon.
“Napaliko talaga iyong driver ko nang malakas sa kaliwa at nag-preno siya nang malakas.
“Pagbaba ko, I said, ‘Peace’ to him.
“And what did he do? He just put up his phone and started taking a video of me,” pamahayag ni Diego atol sa interview sa ABS-CBN reporter MJ Felipe.
Pulong pa sa actor wa siyay nahimong damage ngadto sa gimaneho nga sakyanan ni Paglalunan sukwahi sa pangankon niini.
“Walang damage ako nagawa sa sasakyan niya.
“Naiwasan ng driver ko.
‘Tapos, five hours later, ang allegation nila sa akin ay sinira ko yung sasakyan, nagbato ako ng bato, at nang-trip ako nang walang dahilan,” saysay ni Diego.
Nasayran nga nagka-istorya na sab si Diego ngadto sa tag-iya sa Grab car nga si Elaine Tiamzon ug misaad nga dili siya magpanuko sa pagbakwi sa reklamo batok sa actor ug mangayog pasaylo sa higayon nga masuta ang iyang drayber maoy sad-an sa hitabo. (B)