SAPON sa akto ang usa ka bana sa iyang asawa human nga aduna’y kauban sa gi-abangang apartment sa Barangay Kauswagan, dakbayan sa Cagayan de Oro, niadtong Hunyo 17, 2018 atol mismo sa Father’s day.
Ang maong bana nga si Roger (dili tinuod nga ngalan), 50 anyos, usa ka negosyante kinsa kasamtangang nag-abang sa siyudad ug residente sa Dipolog City samtang ang giingong kabit nag-edad og 21 anyos.
Sa nahipos nga impormasiyon gikan sa kapulisan sa Police Station 4 (PS4) sa Carmen, giingong nasapon mismo sa asawa ang iyang bana nga adunay kauban sulod sa gi-abangan nga apartment.
Giingong ni-sorpresa ang asawa sa pag-bisita sa iyang bana kinsa gikan pa sa siyudad sa Dipolog apan dako na lamang ang kakurat niini sa dihang nasapon ang bana nga adunay kauban nga batan-ong babaye diin nakasul-ob lamang kini og underwear.
Sa pagsulat niini nga balita, ang bana lakip na ang 21 anyos ang kasamtangang anaa sa buhatan sa kapulisan ilabi na sa PS4.
Pursigido ang asawa niini nga mopasaka og kaso batok sa duha.