USA ka babae nga adunay pisolohikal nga problema sa pangisip ang gitabangan og lugos niadtong Hunyo 15, sa Barangay Binitinan, lungsod sa Balingasag, Misamis Oriental.
Ang biktima nga si Rona (tinuod nga identipikasyon gitago) ang giingong giaghat nga makig-inom sa tulo ka mga lalaki niadtong adlaw’ng Biyernes kay daw posibleng dali ra kini naagni tungod sab sa sitwasyon niini.
Si Police Senior Inspector Ismael Gundaya, hepe sa Balingasag Police Station, nibutyag nga nahitabo kini mga alas 9 sa gabii niadtong adlawa.
Human sa insidente, nitug-an ang biktima sa iyang ig-agaw nga gitabangan ug gipuli-pulihan siya og lugos.
Dinhi gilusad ang manhunt operation batok sa tulo ka mga suspek ug malampuson nga nangadakpan nga nagpangidaron 25 anyos pataas.
"Wala man sila nag-angkon nga ilang gilugos pero sa ilang mga aktwasyon mamatikdan nga walay resistant kay kon dili gyod sila makig-away pa sa pulis nga wala silay gihimo. Usa pod gitudlo sila sa biktima." Pahayag ni Gundaya sa mga tigbalita.
Dugang niini nga gidala sa Northern Mindanao Medical Center ang biktima kinsa sa inisyal findings nakitaan sa posiblidad nga gilugos gayud kini.
Ang mga suspek pulos na nagtingkagol sa prisuhan sa Balingasag Police Station kinsa gitakdang mag-atubang og kasong rape nga gipasaka kagahapon adlaw’ng Lunes.