SUPORTADO sa aktor ug kanhi basketbolista nga si Benjie Paras ang maayo na dagan sa relasyon sa iyang mga anak sa ilang inahan si Jackie Forster.
Say ni Paras, desisyon sa iyang mga anak nga makig-uli sa iyang ex-wife, hinungdan ginasuportahan niya kini.
"Sa kanila naman nanggaling eh. So kung ano man 'yong desisyon nila, wala ako roon. Basta ako, I will always support them and will always be happy for them," say ni Paras.
Sulti ni Paras, tibuok sab ang kahulugan sa iyang kinabuhi isip amahan.
Gikasal sila Paras ug Forster niadtong 1994 apan nagbulag sila niadtong 2001.
Nawad-an og bili ang kasal pinaagi sa annulment niadtong 2003.
Ug, gihatag kang Paras ang kustodiya sa ilang mga anak nga sila Andre ug Kobe.
Sa mga milabay nga interbyu, gisulti nila Andre ug Kobe nga di nila madawat ang sorry sa ilang inahan tungod sa insidenteng di nila masulti.
Apan nagbag-o ang dagan sa hangin dihang nakig-uli niadtong milabay nga tuig ang duha kang Forster.