WA niuyon si Cebu City Mayor Tomas Osmeña sa pamahayag ni PNP Director General Oscar Albayalde nga hot spot gihapon ang Sugbo sa illegal nga drugas.
Matod ni Osmeña sa press conference kagahapon nga supak siya sa maong pamahayag ni Albayalde kay daghan na og nahimo nga mga operasyon ang kapulisan diri sa Sugbo batok sa illegal nga drugas.
Sukad sa pag-asumer ni Presidente Rodrigo Duterte, labing minos 10 ka giilang dagkong drug lord sa Sugbo patay samtang dunay nadakpan.
“When I became mayor, we killed the two biggest drug lords in the country. But to say we are hot spot, posible, but don’t make it appear like we are the worst,” matod ni Osmeña.
Ang iyang gipasabot nga duha ka drug lords mao sila si Rowen “Yawa” Secretaria ug Jeffrey “Jaguar” Diaz. Si Secretaria napatay sa kapulisan didto sa Bohol samtang si Diaz sa Metro Manila. (Christine Joyce Secuya, Lloyd Earl Sabequil CNU Interns)