Dear Papa Joe,
Tawga lang ko sa ngan nga Dianne, 24 years old, taga Cebu City. Bag-o ra ko ni graduate og college, niadto lang March. Four-year course ang akong nahuman pero ngano man gyud kaha nga bisan unsaon nakog pangaplay og trabaho, dili man gyud ko madawat. Sukad pa niadtong April nakong sigeg apply og trabaho pirme lang kong ingnon sa mga kompaniya nga akoang giaplayan nga tawgan lang ko. Pero bisag usa walay gyud nitawag nako. Hopeless na ko labina nga wala gyud koy kwarta. Mas maayo untag maka trabaho na ko para makatabang ko sa akong mga ginikanan ug igsuon nga gagmay pa ug nag-eskwela sa probinsiya.
Maka answer man unta ko sa mga exams, pero inig abot sa interview, mahagbong na ko. Manggiuwawon man gud ko ug murag way salig sa kaugalingon. Kon mosugod na gani og pangutana nako ang interviewer, dili na ko makamao mo inengles sa iyang atubangan nga unta ako naman gipraktisan daan ang mga possible nga job interviews.
Unsa may imong ikatambag nako, Papa Joe? Palihug tagai kog mga tips para makapasar ko sa job interview. Daghang salamat.
DIANNE
Dear Dianne,
Una nimong i-develop mao ang imong self-confidence. Pag-search sa Google sa mga posibleng manggawas nga pangutana kon mangaplay kag trabaho unya sabta pag-ayo, ayaw I-memorize kay basin mapandol ka ug mawagtang sa imong ulo ang tanan. Unya isuwat kini sa papel ang ‘List of Possible Questions’ unya sugoa ang imong amiga, kaila or silingan pag-pangutana nimo.
Imagine-na nga sila ang interviewer ug tubaga ang mga pangutana with all your heart. Be sincere sa imong mga tubag. Ayaw pagpalabi og humble, ayaw sab palabig pataas. Kinahanglan perming positibo ang imong tubag aron ma-impress nimo ang nag-interview.
PAPA JOE
(Sa inyong mga problema ipadala lang sa papajoesuperb@gmail.com)