ANG “Ondoy, Paminawa” ang bag-ong komposisyon sa media personality ug singer nga si Nova Abaniel nga taga-Valencia, Bukidnon.
Ang “Ondoy, Paminawa” usa ka Cebuano novelty nga naghubit sa usa ka babaye nga mao na hinuoy nanguyab sa lalaki. Ang maong awit nisud dayon sa Spotify charts ug No. 8 sa Philippines Viral 50.
Si Nova Abaniel nagtrabaho isip radio jock sa buntag ug musikero sa gabii. Nahimo sad siyang contestant niadtong 2016 sa Tawag ng Tanghalan.
Ang “Ondoy, Paminawa” mapalit na sa iTunes ug ubang digital platforms, samtang ang lyric video ma-download sa Viva Records’ YouTube channel. (PR)