Opisyal 'nagtanom' og marijuana, nasikop

NASIKOP ang usa ka gikatahong opisyal sa barangay human nasakpang nag-atiman sa mga tanom nga marijuana sa Barangay Tagbao, siyudad sa Sugbo kaniadtong Lunes.

Ang mga operatiba nakaibot og 17,165 ka mga marijuana nagkantindad og P6.9 milyones sa Sitio Mit-ol.

Ang opisyal, si Ireneo “Niyong” Borres, nadakpan sa mga sakop sa Central Command-Naval Forces Central (Navforcen) nga gipang-abagan sa mga tropa gikan sa Philippine Drug Enforcement Agency 7, National Intelligence Coordinating Agency 7 ug Cebu City Mobile Force Company.

Nakuha pod gikan ni Borres ang usa ka KG9 semi-automatic nga armas, magazine ug 12 ka bala.

Ang iyang anak, si Lisbert, nalipat ang mga operatiba pinaagi sa pagdagan ngadto sa lasang.

Ang Navforcen nakadawat og taho mahitungod sa usa ka plantasyon sa marijuana sa Mit-ol sa wa pa ang operasyon sa pagpangibot. (KAL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph