USA ka Davao City commercial team nga Tin24 ang nakasungkit og titulo sa Araw ng Sta. Maria Open basketball human gitiurok ang AC Almario sa iskor 97-84, sa finals sa Sta. Maria Municipal Gym.
Ang kumbinsidong daug sa Team Tin24's tungod sa duha ka semana grabeng pagbansay aron preparahan ang ilang kusog nga kontra Monta¤a Pawnshop kinsang hapit makapatagak kanila, 102-101, sa semifinals.
Si kanhi Davao Eagles player Christopher Jatico, kinsa sab team owner, ang nangulo sa kusog nga tim nga milabay og 36 puntos lakip ang iyang nindot dinulaan sa uwahing period.
Misalig sab ang Team Tin24 sa seven-footer center Jabbar Mpouma ug Nerner Lazarte nga mihimo og taas porsyento sa “perimeter shooting” nga nakapahilom sa Blue Knights ni AC Almario.
"Although two day event lang siya pero dako gihapon ni na achievement para sa team," pahayag ni Jatico, kinsang naningkamot sa uwahing quarter.
Human nalagpot si AC Almario's bigman Ivan San Diego sa ikatulong period tungod sa duha ka technical fouls, gikontrol na sa Team Tin24 ang duwa.
Sa maong kadaugan, nadawat sa Team Tin24 ang premyong P50,000 ug tropeyo gikan sa lokal panggobyerno sa Sta. Maria. (ABM)