GISUGDAN na ang kampanya sa defending champion Alorica pinaagi sa pagsungkit sa unang daug sa Davao Inter-BPO League (DIBL) Volleyball League gihimo didto sa Rizal Memorial Colleges (RMC) Gym.
Giugsok sa Alorica volleybelles ang Sutherland, 25-15, 25-15, sa women's division.
Samtang misalig ang mga lalaking spikers sa Alorica aron idemolis ang Sutherland 25-5, 25-16, sa men's event.
Sa laing duwa, midaug sab ang Ibex Global kontra Flatword Solutions, 25-23, 25-13.
Samtang ang Awesome OS gipalukapa ang VXI Global 25-15, 26-24, sa kompetisyon nga gitugotan sa Balibolista de Dabaw. (ABM)