2 badlungon, gipatay

PATAY ang duha ka gituohang sagbot sa katilingban human giingong misukol sa kapulisan sa Davao City Police Office (DCPO) atol sa ilang operasyon Lunes sa gabii ug Martes.

Alas 10:50 sa gabii, patay ang usa ka Cristian Lois Aguelo Gabrillo, 24, ug residente sa Purok 7, Sta. Catalina, Brgy. Lapu-Lapu, Agdao District human misukol atol sa paglusad og search warrant operatiba sa Sta. Ana Police Station.

Patay dihang nahidangat sa Southern Philippines Medical Center (SPMC) ang suspetsado kinsa dunay standing warrant of arrest sa kasong Attempted Murder, ug number 5 sa listahan sa theft and robbery suspects isip usa ka “Akyat-Bahay” sa area sa Sta. Ana PNP.

Ang suspetsado nakuhaan pa og mokabat P5,000 kantidad sa shabu.

Una niini, napatay sab sa Sta. Ana PNP si Cristobal Talara, alyas Obal, niadtong Biyernes kinsa Top 1 nga drug pusher sa Agdao District, Davao City.

Dead on the spot sab ang usa ka Antonio Bauli Villarias, alyas Trongco Manguera, human giingong misukol sa kapulisan sa Calinan alas 8:25 kagahapon sa buntag.

Si alyas Trongco mobaligya og druga sa nagtakuban nga kapulisan, apan dihang namatikdan niini nga mga pulis ang mipalit kaniya, mibunlot kini'g armas.

Ang suspek gituohang notado sa pagkalambigit niini sa kasong theft, akyat-bahay ug robbery sa area sa Calinan.

Sumala sa DCPO nga kabahin kini sa ilang Oplan: R.A.T. Tugis (Robbery/Hold-up, Akyat-Bahay and Theft) nga gisugdan niadtong Lunes.

"It is a City wide focused operations against identified criminals involved in robbery/hold-up, akyat-bahay and theft incidents in the City," pamahayag ni DCPO director Senior Superintendent Alexander Tagum.

Gidugang sa DCPO nga kabahin kini sa ilang gipakusgan nga kampanya aron mapabilin ang kahapsay ug kalinaw sa siyudad.

"This intensified focused police operations in line with the vision of DCPO to make the city's most dangerous place for criminals and terrorists but the city's most peaceful place for its residents," bahad sa DCPO nga giingong walay lugar ang mga terorista ug kriminal sa siyudad.

Gimandoan karon sa DCPO ang mga station commanders nga arestuhon ang mga nalambigit sa dautang buhat diin kung mosukol sa operatiba mapugos sila sa pag-niyutralisa kanila.

"I have warned our commanders to deliver arrest of all these criminals within the month or prepare to ship out," ni Tagum sa opisyal nga pamahayag pinaagi kang DCPO spokesperson Senior Inspector Ma. Theresita Plaza-Gaspan. (Jeepy P. Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph