GI-RESCUE sa Women and Children's Protection Desk (WCPD) sa Davao City Police Office (DCPO) ang usa ka 16-anyos nga batang lalaki human nakigtransaksyon sa kapulisan aron mobaligya og marijuana.
Gilayong nagporma og team ang WCPD aron ma-rescue ang 16-anyos nga si alyas Mike residente sa Purok 57, Brgy. 21-C Boulevard, Davao City, kinsa nasikop alas 10:20 sa gabii niadtong Lunes, Hunyo 18, sa basketball court sa Brgy. 21-C.
Nakuha sa posisyon sa menor de edad ang duha ka pakite sa linikit nga dunay pinaugang dahon sa marijuana nga mokantidad og P200.
Giingon sa DCPO nga gikonsidera nga street-level target ang na-rescue nga menor de edad kinsa anaa karon sa pagkustodiya sa WCPD sa Sta. Ana Police Station. (Jeepy P. Compio)