7 ka tinun-an sa Sugbo ni-top sa nursing exam

Top 3. Si Frances Isabela Cortez Seno sa Velez College, nahiluna sa ikatulong puwesto, maoy nag-una sa pito ka mga tinun-ang sa Sugbo nga nasulod sa Top 10, sa Nurse Licensure Examination. (Hulagway gikan sa iyang facebook account)
Top 3. Si Frances Isabela Cortez Seno sa Velez College, nahiluna sa ikatulong puwesto, maoy nag-una sa pito ka mga tinun-ang sa Sugbo nga nasulod sa Top 10, sa Nurse Licensure Examination. (Hulagway gikan sa iyang facebook account)

PITO ka mga tinun-an nga nigradwar sa nagkadaiyang tunghaan sa Sugbo ang nasulod sa top 10 sa labing uwahi nga June 2018 Nurse Licensure Examination.

Anaa sa 3rd place ang gradwado sa Velez College nga si Frances Isabela Cortez Seno nga nakakuha og grado nga 87%.

Samtang lakip sa 8th placer si Honey Sheen Gengone Bangquiao sa Cebu Normal University (CNU) sa grado nga 85.8%.

Sa 9th place lakip sila si Dexter Redd Urbano Gomez sa Cebu Doctors’ University (CDU) ug Athena Louise Sartaguda Mangoroban sa CNU nga nakakuha og 85.6%.

Samtang sila si Jessa Marie Chan Menor sa CNU, Dianne Therese Pedrigosa Villaruel sa CDU ug Aleksander Joel Mendoza Yared sa Velez ang nalakip sa 10th place nga nakakuha og grado nga 85.4%.

Ang Cebu Normal University ug Velez College nangalakip sa top performing schools diin 100% sa mga tinun-an ang nakapasar.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph