NAHULOG ang usa lalaki samtang kritikal ang kahimtang sa kauban niini dihang nangahulog samtang nagtaod og antenna niadtong Martes, Hunyo 19, sa Barangay Mohon, lungsod sa Tagoloan, Misamis Oriental.
Giila ang namatay nga biktima nga mao si Rosalio L. Makabugto, hingkod ang edad, residente susamang dapit, samtang kritikal ang kauban niining si Julie Salem, taga Consolacion, siyudad sa Cagayan de Oro.
Sa inisyal nga report, nasuta nga kining mga biktima nagtrabaho sa usa ka agro company sa maong dapit ug nagtaod og antenna. Apan giingong mibigay ang tubo nga ilang gisak-an duha ug gani daw nagkinupkopa pa ang duha, apan maayong pagkahulog sa mga biktima ug si Makabugto maoy sobrang nagrabehan dihang napailawoman.
Bun-og ug bali sa kalawasan ang naangkon ni Makabugto nga miresulta sa iyang hinanaling kamatayon.
Ang insidente giimbistigahan na karong panahona sa Tagoloan Police Station.