HUMAN sa upat ka round halos tanang Davao City chessers' layo ang gikatagakan sa nagapadayong 19th Asean+ Age Group Chess Championships didto sa The Royal Mandaya Hotel Huwebes, Hunyo 21.
Si Ella Grace Moulic maoy nag-inusarag nabilin sa top three sa resulta nga dunay 3.0 puntos human ang upat ka rounds kagahapong adlawa.
Luyo nga napildi siya kang Shania Mendoza sa girl's under 20 division.
Samtang ang Top seed National Master (NM) Alex Lupian, kinsa nanguna sa unang tulo ka rounds natagak sa ikatulong puwesto nga dunay 2.5 puntos human napildi kang Minh Thang Nguyen sa Vietnam sa senior 50 and senior 65.
Gikan sa ikaupat, Irish Yngayo, nahulog sa ikalimang puwesto nga dunay 3.0 puntos sa girls under 16 division.
Ang iyang ikaupat nga duwa kang Natasja Jasmine Balabbo nahulog sa tabla.
Samtang si Japeth Aaron Caresosa, misaka sa ika-6th nga mitala og 2.5 puntos apan napildi kang Fide Master (FM) Alekhine Nouri sa under 16 division.
Apan nahagbong si International Master (IM) John Marvin Miciano sa ika-siyam nga puwesto nga dunay 2.5 puntos.
Bag-ohay lang siya midaug kontra Hyung Tuan Hai Nguyen sa Vietnam sa under 20 division.
Nahulog sab si Blanch Ellyze Bongato sa ika-13th puwesto nga mihimo siya og 2.5 puntos bisan midaug kang Marian Calimbo kagahapon sa girls under 16 division.
Anaa sab ika-13th puwesto si Zsuzsa Tabudlong sa girls under 20 division nga dunay 1.0 puntos human ang upat ka rounds.
Nakatilaw na sab siya og laing kapakyasan gikan kang Kylen Joy Mordido kagahapon.
Ang Round five ginadula pa samtang gisulat kining balita.