MIDANGOP sa buhatan sa Talomo Police Station ang usa ka overseas Filipino worker (OFW) aron ireklamo ang usa ka taxi driver nga mibastos kaniya 2:40 sa hapon niadtong Miyerkules, Hunyo 20.
Subay sa blotter nga natala sa Talomo PNP nga dihang nagpahatud ang biktima nga si Helen (bansagon gitago) gikan sa panimalay niini sa Rasay Street, Toril padung sa GMall Bajada giingog gibastos na siya sa driver nga si Benjie (bansagon gitago), nagpangedaron og 40-50 anyos.
Matod pa nga samtang nagdagan ang taxi nagsige'g paambit og istorya ang taxi driver sa biktima ug dihang naa na sila sa dapit sa Central Park sa Bangkal, miingon ang taxi driver nga “mo blow job ka ma'am?” ug gibalik-balik kini og pangutana sa taxi driver.
Sa kapungot sa OFW nga 32-anyos, mikanaug na lang kini ug miadto sa Talomo PNP aron ipa-blotter ang hitabo.
Ang maong kaso anaa na sa General Investigation Section ug nakatakdang ipatawag ang driver sa usa ka individual taxi. (Jeepy P. Compio)