GILIMOD ni Mayor Sara Duterte-Carpio ang mga taho bahin sa pangilad nga siya ang nagpaluyo sa Facebook page kinsa nangayo og kuwarta gikan sa katawhan ug naghimo og transaksiyon ilawom sa Tapang at Malasakit Alliance for the Philippines (TMAP), hut-ong sa mga supporter ni Presidente Rodrigo Duterte nga supak sa destabilisasyon.
Sa pamahayag nga gipagawas Huwebes, Hunyo 21, ang mayor mihimakak sa mga taho nga duna siyay kalabutan sa Facebook (FB) page nga gipanganlan og Inday Sarah Duterte-Carpio for 2019 Senator Movement kinsa nangayo og suporta gikan sa publiko gamit ang TMAP, grupo nga nagsuporta sa iyang amahan nga si Duterte atol sa 2016 nga eleksiyon.
"This is to inform the public that the Facebook account Inday Sarah Duterte-Carpio for 2019 Senator Movement is not owned or managed by me and is not authorized to represent me," matod sa mayor.
Ang FB page gihimo aron nga motigum og suporta gikan sa nagkadaiyang personalidad sa tibuok nasud alang sa senatorial bid sa mayor.
"The said social media account has been reportedly soliciting money in my name and the organization Tapang at Malasakit Alliance for the Philippines," butyag niya.
"Clearly, it is a social media account created to fool or scam others," dugang niini.
Hinungdan nga iyang gipasidan-an ang publiko nga di magpailad niini nga hinimoan sa wala mailhing indibiduwal nga nagtago luyo sa "page" kinsa nagpaila nga siya.
Sa pagsuwat ining balita, ang FB page, nga adunay kapin 10,000 likes, di na makita sa Facebook.
"I am asking the public to always be careful in dealing with people or organizations claiming to represent me. Please do not allow yourselves to become victims of fraudsters," awhag sa mayor.
Base sa nakuha sa ”screen,” ang administrator sa page nagdasig niadtong buot nga mahimong municipal/city chairman, provincial chairman nga pahibaw-on sila tungod naa silay plano nga magbaton og ilang National Convention ubos sa TMAP aron matigum ang mga suporter.