Away ni Pacquiao ug Matthysse dunay matumba, matod sa trainer

“DUNAY mahagsa.”

Kini maoy pangagpas sa kampo ni Lucas Matthysse kinsa modepensa sa iyang World Boxing Association (WBA) welterweight title batok ni Filipino boxing star Manny Pacquiao karong Hulyo 12 didto sa Axiata Arena sa Kuala Lumpur, Malaysia.

Si Joel Diaz, ang trainer ni Argentinian Matthysse, sa interview mibutyag nga sa estelo sa duha ka mga boksidor iyang nalantawan nga dili gyud moabot og 12 ka rounds ang maong panagsangka.

Hinuon iyang giingon nga bisan asa sa duha ang matikangkang ug kon si kinsa lang usab ang unang makaigo og solidong kumo.

“Because of the fighting style of the two fighters, I don’t see it going the distance. Someone will go down,” matod ni Diaz nga nakutlo-an sa iyang pamahayag ni GMA correspondent Jhay Otamias. Si Diaz mao usab ang trainer ni Tim Bradley.

Samtang ang Team Matthysse kombinsido nga ang kusog ni Pacquiao, 39 anyos, kaniadto nga grabing makaparogi sa iyang mga kontra dili na sama karon, apan ingon nila dili gihapon kini angay ka kompiyansaan.

Si Mattyhsse, 35, milabni sa titulo sa niaging Enero sa Los Angeles.

Sa higayon nga mosaka na sa ring si Pacquiao sa sunod buwan, modagan na ngadto sa kapin sa tuig sukad sa iiyang kapildihan ni Jeff Horn didto sa Brisbane, Australia. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph