Demolition gipadayon

ILLEGAL structures sa Barangay Pusok, Lapu-Lapu City gisugdan na sa pagpangguba samtang gitiwas sa pag-demolish ang nahibiling estruktura sa Barangay Ibo.

Gibahin sa duha ka mga grupo ang demolition team sa city hall nga gilangkuban sa mga kawani gikan sa Clean and Green, Material Recovery Facility (MRF) ingon man gikan sa City Engineering’s Office aron mapaspas ang paghawan sa mga estruktura sa Ibo ug Pusok.

Igo nalang paghikling sa mga ginuba nga construction materials ang pipila ka mga apektadong lumolopyo sa Sityo Seaside, Pusok nga maoy giuna sa pagdemolish inay ang Sityo Sta. Maria, Pusok gumikan kay kagahapon gisaulog ang ilang kapistahan.

Kapin sa 100 na ka illegal structures (balay pa-abangan ug ad sa baboy) nga naglumbay daplin sa baybayon sa Barangay Ibo ang na-demolish sukad gisugdan sa miaging semana.

Giklaro ni Mayor Paz Radaza nga ang katuyoan sa paghawan sa naasoyng mga estruktura mao ang pagpahibalik sa kalimpyo sa kadagatan human sa findings sa Environmental Management Bureau (EMB) 7 nga adunay taas nga presensiya sa E-Coli sa dagat sa Mactan.

Sa susamang kalambuan, giumol sa city hall ang Task Force Shoreline nga maoy mobantay sa kabaybayonan niadtong estruktura ug establisemento nga milapas sa gitagana nga 3-meter easement gikan sa baybayon ug ang pagpatunhay ka kalimpyo sa kadagatan. (FVQ)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph