DEAR Tita Heart,
Maayong adlaw kanimo tita ug sa tanan suki sa SunStar SuperBalita. Akong problema tita bahin sa akong uyab nga grabe ka selosa tita. Kabalo ko dili lang ni mao ang nagpadala og problema nimo pero sahi sab ni akong uyab tita kay bisan kinsa na maatubang nako nga babae iya man selosan. Unsa man kaha ako buhaton ani niya tita?
Jerome
***
Hello Jerome,
Bulagi na imong uyab aron matagam. Kabisi ba sige selos nga kabalo man siya nga ikaw ang iyang uyab. Klaro na imong uyab walay salig sa imoha. Apan ikaw ra gihapon ang makadesisyon kay kon love gyod nimo siya apil gyod na sa imong dawaton ang iyang pagkaselosa.
Tita Heart