LIBO-AN na ang mga nakapahimulos sa programa sa Technical Education and Skills Development Authority (Tesda) human sa mga libreng training ug job-ready ilabi na sa pagsugod sa Build, Build, Build Program.
Alang sa mga nigradwar sa TVET (Technical and Vocational Education and Training) nga adunay kalambigitan sa mga kurso sa construction aduna na’y 5,944 diin sa masonry; 970, carpentry; 400, plumbing; 216,welding; 1,630, electrical; 1,812, pipelifting; 369 ug uban pa sama sama sa HEO, Scafolding, Tile setting, 547.
Samtang sa ubos sa Programa sa Bangon Marawi ang ihap sa mga beneficiaries o sa mga nakabenepisyo niini ang na trained ug andam na sa pagtrabaho nga mga IDP’s (internally displaced persons) ana na sa 4,917, mokabat na usab mga 52 ka mga kanhi anaa sa walhong grupo ug nibalik na sa sabakan sa gobyerno ang andam na nga mo-training samtang Indigenous People (IPs) nga na train ang anaa na sa 2,208.
Gibutyag ni Tesda regional director Tarhata Mapandi nga anaa na’y libo-an ka mga na train ug andam na sa pagtrabaho samtang sa special usab nga programa alang sa mga kanhi sakop sa walhong grupo ang anaa na sa 52 apan posibleng madugangan pa ang ihap niini.
“Last year we’re able to train 4,917 to includes, school-based graduates, centre base graduates and community base graduates, we also have special program for our former rebels we have 52 for now as we’re waiting for the list for our counterparts from AFP and PNP and DILG, madadagdagan pa yan” tipik sa pahayag ni Mapandi.
Gitakdang pinaagi sa Build, Build, Build Program ni Presidente Rodrigo Duterte mag-train og 100,000 ka tao o maka benepisyo niining maong programa sa tibuok nasud. Dinhi sa Region 10, anaa sa 10,000 alang sa construction related courses ug laing 10,000 ang makabenipisyo sa laing skills training isip suporta sa Re-Building Marawi Program.
Anaa na usab sa 12,000 ang mga nakaparehistro o naka pa-enrol sa Amihanang Rehiyon atol sa National Enrollmenty Day niadtong February 27-28, 2018 ug April 5-6, 2018.