GI-AGHAT sa tinugyanan sa Technical Education and Skills Development Authority (Tesda) ang mga aduna’y kahibalo o skills nga pahimuslan ang kahigayonan nga gihatag sa ilang buhatan nga libreng assessment karong June 26-27, 2018.
Atol sa gipahigayong press conference sa buhatan sa Tesda Regional office gi-aghat ni Regional Director Tarhata S. Mapandi, nga pahimuslan ang ilang mga programa.
“That is why we already order and instructed our operating units to maximize the all forms of media, TV, broadcast social media para makikita at ma-appreciate ng ating mga kababayan, kasi sila naman talaga bakit tayo nagtatrabaho, sa kanila ito” pahayag ni Mapandi.
Ang National Assessment Day mohatag og dakong kahigayonan sa mga aduna’y skills diha sa construction sector alang sa Build, Build, Build program sa gobyerno.
Kung ikaw adunay skills apan wala kay certificate sama sa NCII kini na ang higayon nga makakuha ka sa maong dugang dokumento.
“So mapapabilis siya kung kakailanganin natin kasi ngayon skilled pero walang mga ebedensiya na may NCII sila ngayon na naman kami actually it’s a regular program of TESDA but we highlight, sabay-sabay nationwide,” ni Mapandi.
“So ako tile setter na dugay ko’g pangiskis ana, pamutang wala ko’y NCII di ko ka adto og abroad. Kani para sa imo aron mafacilitate ang imong identity, ang imong credentials” dugang niini.
Ang maong libre nga assessment ug pagtunol og mga certificate ipahigayon sa tunghaan nga accredited sa Tesda o mga accredited assessment center sa nagkadaiyang dapit sa tibuok nasud. Bukas kini sa tanang mga industry workers, buot mangita og laing trabaho, mga nangita pa og trabaho, TVET graduates ug lakip na mga magtutudlo ug trainers.
Aron nga makapahimulos sa maong libreng assessment bisita lamang sa pinakaduol nga buhatan sa Tesda Provincial office aron makapangayo og form, magdala og 3 ka passport size nga hulagway diin colored, puti ang background ug nakasulat ang pangalan sa likod ug ipasa usab kini sa pinakaduol nga opisina sa Tesda o sa mga accredited assessment center.