Tambagi ko Noy Kulas: Nadaut sa Messenger

Dear Noy Kulas,

Maayong adlaw. My name is BJ, 32 years old ug duna nay trabaho. Ang akong problema ang akong relationship sa akong girlfriend.

Pinanggaa kaayo nako ang girlfriend. Kanang masakit siya adtuon nako sa ilaha aron atimanon. Naay portion sa akong sweldo nga akong ihatag part sa among savings. Pero na-destroy ang tanan namong plano tungod lang sa usa ka message sa messenger nga gilain niyag sabot.

Duna mi reunion sa mga barkada nako sa high school. Nag message ang akong mga classmate nga gimingaw na sila nako. Mga babaye ug lalake ni sila. Nibawos pud kog I miss you. Iya ning gilain og sabot ug nag-away mi. Pwerte niyang sukoa nako ug nakigbuwag siya.

Noy, pwerte nakong invest og time ug effort sa iyaha unya maguba lang sa ingon ani. Unsa may akong buhaton karon? Wa pa mi mag-estorya og balik kay gidedma ra ko niya. Please tambagi ko.

BJ

BJ,

Huwata lang nga mahupay na ang iyang kasuko. Ingon ana gyud na kay spoiled man kaayo nimo kay imo kaayo siyang pinangga. Mao nang grabe usab siyang makaselos nimo. Di siya gustong duna siyay kabahin sa imoha, nga mingawon ka og laing tawo.

Pabugnawa ang tanan and bisan wa kay tumong o dautan nga intensyon, dautan nga buhat, pag sorry lang niya. Kon di siya motubag, huwata kon kanus-a kini niya buhaton ang pagtubag nimo. Mahupay ra na ang iyang kasuko, depende usab kon unsa kataas ang iyang garbo. Kon taas, madugay gyud na nga ma-settle.

Way lain nga paagi ra nianang imong problema mao ang pagpaubos, pasensya ug pag-communicate. Apan kon nalab-anan ra sab, ayaw na lang ipamugos ang imong kaugalingon. Alang nako, this is a bad sign sa iyang di maayong taras nga hayan madala sa kaminyuon. Daghan na ra ba ang nasulod usab sa ingon niana nga sitwasyon nga nagmahay. Maayo na lang nakita ni sa wa pa mo maminyo.

NOY KULAS

(Alang sa imong problema, e-mail sa kulassuper@sunstar.com.ph

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph