Alden Richards dili magpabayad sa lungsod sa Sta. Rosa

MANILA--Niadtong Huwebes sa hapon, na-interview namo ang mayor sa Sta. Rosa, Laguna ug kanhi aktor nga si Dan Fernandez. Very vocal siya sa iyang pagdayeg sa usa sa pinakasikat nga artista nga na-produced sa maong lugar--si Alden Richards.

Former winner sa Ginoong Sta. Rosa si Alden una siya napunta sa showbiz. Sa maong pa-contest sad na-discover si Alden hangtod nga nahimo siyang super sikat.

Matod ni Mayor Dan, kon adunay kalihukan ang ilang lungsod like parada, etc. sometimes ilang imbitaron si Alden ug bisan sayo sa buntag ang event, motunga jud kuno si Alden.

Di sad magpabayad si Alden kon kuhaon siya isip guest sa munisipyo tungod kay nagtan-aw og dakong utang-kabubot-on si Alden sa local government sa Sta. Rosa.

Grabe no? Super buotan jud ni’s Alden. Ang uban pa ana, pasangil lang og rason nga busy sila. Si Alden mo-report pa siya for Sugod Bahay sa Eat Bulaga nga halos everyday. So imadyinon lang ninyo kung unsa ka dakong sakripisyo ang pagahimuon ni Alden the moment nga kinahanglan siya sa ilang lugar.

Sa laing bahin, among gipangutana si Mayor Dan kabahin sa pag-adto ni Presidente Rodrigo Duterte sa Sta. Rosa para pangunahan ang paghural sa mga bag-ong midaug nga mga barangay captain sa iyang ginsakupan.

During the campaign, may nabungat si Dan nga dili maayong pung batok kang Digong nga that time, nagdagan sa pagka-pangulo ug si Dan naman, midagan isip mayor sa Sta. Rosa.

Pero gipamatud-an sa atong presidente nga dili jud motukol, dili magtanom og pagdumot sa mga tawong medyo negative ang impression sa iya.

Miyembro man gud si Dan sa Liberal Party so alam nyo na. Pero nasayod ba kamo unsay tubag ni Digong sa mga sakit nga gipamung niadto ni Dan niya. Ang tubag lang sa presidente: “Alam nyo si Mayor Dan Fernandez, pogi ‘yan”.

Bisan og member si Dan sa Liberal Party pero one hundred percent ang iyang pagsuporta sa administrasyong Duterte ilabi na ang pagsugpo sa Drogas.

Parang gilektyuran kami ni Dan mahitungod sa “Tokhang” ug daghan kaming nakat-unan.

Di naman totally gikalimtan ni Dan ang showbiz tungod kay nakipag-partner siya karon sa producer nga si Dondon Monteverde ug aduna sila’y mga nakalinyang pelikula nga iso-shoot soon.