HELLO po! I'm sure daghan ang dili ganahan kung “suffering” kun “pag-antos” ang pagahisgutan apan please bear with me mga kahigalaan kay importante kini nga parte sa atong kinabuhi diri sa kalibutan.
Bitaw, kumusta mo dinha? Ang matag-usa kanato nakasinati na sa pag-antos sa dinagko o ginagmay'ng pamaagi, di ba, mare? Nindot unta likayan apan dili gayud kini mapugngan.
Sa kasamtangan, taas na kaayo ang presyo sa mga palaliton. Lami unta ang sud-an ang paliton apan dili kaya sa budget, igsuon. Usahay maglaway baya kitag mga lamiang putahe nga matan-awan nato sa TV. Tungod adunay mas importanteng gahinan ang atong kuwarta, ang kagustohan natong mosinati og lami mahimo ra natong itulon kay dili man “praktikal,” igsuon, mao atong antuson.
Apan naay pipila ka nindot nga matang nga adunay kalambigitan sa pag-antos, kahigalaan. Ayaw kalimti si Hesus mismo, gilansang sa krus aron kita maluwas sa atong mga kasal-anan. Ang pag-antos og eskuwela bisan walay balon - nakapagraduwar baya sa pipila, ug nahimo silang malampuson sa ilang pamuyo karon.
Ang pagmabdos og siyam ka bulan ug ang pag-utong sa pagpanganak - dili kabayran sa dihang makita na nato ang atong mga kaanakan, dili ba mga ginikanan?
Naay mga tawo nga nag-antos sa kapobrehon kaniadto nga nahimong abundansya ang pagpamuyo karon, migo. Sadly, naa poy nagpabilin lamang sa kalisud o nanginabuhi og hayahay kaniadto apan karon pait pa sa amplaya ang sitwasiyon nila. Haaaaaaaaaaay- life!
Sa pagkatinuod, wala gyung gusto moantos apan ang Bibliya mismo nagkanayon nga kini adunay maayong bunga sa atong pamatasan ug pagkinabuhi ning kalibutan.
Basaha ra god ang Romans 5:4- “kita usab magmaya sa atong mga pag-antos, tungod nahibal-an nato nga ang pag-antos magpatunhay sa pagkamalahutayon, paglig-on, kinaiya ug paglaum.” See??? It's not totally bad to “suffer” sometimes, pare. (Sumpayan pa)