Davao City giila isip ‘Model City’

USA na sab ka garbo sa Dabawenyo nga giila ang Davao City nga “Model City of the Philippines” sa bag-ohay lamang nga Manila Times Philippine Model Cities Forum and Awards niadtong Martes sa Manila Conrad Hotel sa Pasay.

Sumala ni Davao City Mayor Sara Duterte-Carpio nga mapasalamaton siya alang sa maong award apan ang dakbayan kinahanglan pa gayod nga mopadayon sa pagkab-ot sa mas hataas nga mga kalamboan.

“We are happy with the recognition and proud to hold the award, but we should not stop with the award and the recognition. We should ensure that the things that we enjoy now is also anchored in sustainable development,” sulti sa Mayor sa pakighinabi kaniya niadtong Miyerkules.

Sa 66 ka mga siyudad ug munisipalidad, ang Davao City napili isip over-all winner samtang ang Agoo, sa La Union, gipasidunggan sab nga top model municipality.

Ang ebalwasyon nagbase sa mga mosunod: safe haven, environment friendly, tourism hub, business-friendly, retirement haven, education hub, social services oriented, wealth center, livelihood and employment haven ug ang emergency/disaster management.

Nabulsa sa Davao City ang Safe Haven award alang sa outstanding efforts sa peace and security, nga maoy hinungdan sa pag-ubos sa low crime rate sa dakbayan.

Ang City Planning Office nagbutyag nga nakakuha sab ang dakbayan sa top points alang sa environment-friendly, social services ug healthy city initiatives.

Samtang ang Bacolod ug Laoag ang mga napili nga second ug third top model cities sa maong programa.

Sa tuig 2017 ang Manila Times nag-ila sa Bacolod isip top model city.

Karong tuiga, ang mga panel of judges sa awarding mao sila Architect Felino Palafox Jr., Lea Roque sa P&A Grant Thornton, Loren Sales sa Phirst Park Homes ug Rosemarie Bosch-Ong sa Wilcon Depot. (Jeepy P. Compio/CIO)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph