GIKUHA sa Phoenix Suns ang batan-ong higante nga si 7-footer DeAndre Ayton sa Arizona isip No.1 overall pick sa National Basketball Association (NBA) Rookie Draft kagahapon.
Laing higante nga si 6’11” Marvin Bagley III sa Duke ang gipili sa Sacramento Kings isip No.2 overall pick.
Kini mao ang labing tag-as nga top two picks nga nangapili gikan niadtong 2006.
Si Ayton, 19, maghatod og 260-pound frame alang sa depensa sa ilawom sa Suns, nga maoy nangiwit sa miaging season.
Lumad nga taga Bahamas, si Ayton nagkanayon nga malipayon siyang nahiluna siya sa Phoenix gumikan kay dili ra kini layo sa iyang gigikanan.
Nagduwa si Ayton sa Tucson ubos sa kampo sa Arizona Wildcats.
“The fans out there are amazing, the best fans in the world,” matod ni Ayton.
“I’m really happy to be a Phoenix Sun and start a winning legacy with Devin Booker and Josh Jackson and all the other guys. We’re a young team and we’re ready.”
Si Bagley haom sab sa gikinahanglan sa Kings. (AP)