MAKITA na sad nato si Julia Barretto ug Joshua Garcia sa big screen sa pelikulang “I love you haters”.
Kon may mga loveteam nga nagkabuwag ug lahi na ang mga kapartner sa pelikula, going strong pa gihapon ang “Joshlia,” bisan og duna silay ginagmayng away o wa pagkasinabtanay.
Mao ang fans sa “Joshlia” malipayon ug naghudyaka nga duna silay pelikula karon. Ang “I love you hater” sa Star Cinema nga gibituonan sad ni Ms. Kris Aquino, ubos sa direksyon ni Giselle Andres.
Daghan ang naka-obserbar nga sa pictorial pa lang makita na ang closeness ni Kris kang Joshua ug Julia.
Nisaad si Kris nga kon mokita ang ilang pelikula, may pa-New York nga regalo nga ihatag si Kris nila.
Nadunggan man ni Kris nga naa sa ilang bucket list ang pag-suroy sa New York, mao nga kini dayon ang iyang nahuna-hunaan nga e-regalo.
Excited ug malipayon ang Julia ug Joshua nga nakatrabaho si Kris Aquino. Ang “I love you hater” showing na sa di madugay, ay’g saba!
Salida karon ang pelikulang “Cry no fear,” usa ka suspense thriller nga gibidahan nilang Ella Cruz ug Donnalyn Bartolome. Magsuon sila nga dili magkasinabot ang ilang papel.
Nakita na nato ang Ella ug Donnalyn sa mga movies ug mga serye, parehong maabilidad ang duha ka batan-on. Si Ella may dancing videos sa You Tube nga pulos trending. Gani, may titulo na kini nga “millennial dance princess”.
Si Donnalyn usab usa ka Internet sensation ug naila sa iyang pagka-maayong mokanta ug pag-composee. May titulo sab kining “social media sweetheart”.
Gikan sa Viva films, ang “Cry no fear” showing na karon sa mga sinehan sa direksyon ni Richard V. Somes, ay’g saba!