LUYO sa gipakusgan nga kampanya sa pagbatok sa illegal nga druga, naninda gihapon og shabu ang usa ka 19-anyos nga babaye nga taga Sto. Nino, Bulusan, Bangkal, Davao City.
Alas 3:10 sa kaadlawon Sabado, Hunyo 3, gikasa ang operasyon sa operatiba sa Sta. Ana Police Station ug sa Philippine Drug Enforcement Agency (PDEA)-Davao Region atubangan sa Angel's Burger, saBarangay 14-D, Quezon Boulevard.
Ang operasyon miresulta sa pagkasikop ni Jomarie Tabalin Depacaquibo, alyas Jo, 19, - kinsa gikonsidera sa kapulisan nga usa sa mga street-level target.
Duha ka mga pakite sa gituohang shabu ang nakuha sa posisyon sa suspek ingon man ang selpon niini ug ang P500 nga marked money.
Sa kasamtangan, gibalhog ang suspek sa Sta. Ana Police Station. (Jeepy P. Compio)