Ulitawo gisagpa sa kasakay sa dyip

NAKURAT ug nabalaka ang usa ka ulitawo human nga gisagpa ug gidukol sa wala maila nga suspek samtang sakay sa pasaheroan nga dyip niadtong June 22, diha sa may Vamenta subdivision, Carmen dakbayan sa Cagayan de Oro.

Nidangop sa kapolisan ang biktima nga si Joseph Doria, 25, ulitawo nga taga Agora, Mambato, Barangay Lapasan ug gireklamo ang nakasakay.

Sa nahipos nga impormasiyon gikan sa kapolisan sa Police Station 4 (PS4) sa Carmen giingong nidangop na lamang sa mga otoridad si Doria ug gitaho ang wala maila nga lalaki.

Gibutyag sa biktima nga samtang sakay kini sa R2 public utility jeepney (PUJ) liner aksidente niini nga nasikhan ang suspek nga wala maila apan dako na lamang ang kakurat niini gumikan kay gidukol kini ug gisagpa pa sa atubangan sa daghang mga tawo ug pasahero nga anaa sa maong dyip.

Sa pagsulat niini nga balita ang maong insidente ang nakatala na sa buhatan sa kapolisan alang sa tukmang disposasiyon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph