PATAY na dihang gihidangat sa Northern Mindanao Medical Center (NMMC) ang usa ka lalaki human nabangga ang gimanehong motorsiklo niini niadtong alas 7:00 sa gabii sa Hunyo 19 sa Barangay Imbatog, lungsod sa Baungon, Bukidnon.
Giila ang biktima nga mao si Salvador Fernandez, residente sa Barangay Mabunga sa susamang lungsod.
Sa inisyal nga imbestigasyon sa Baungon Police Station, nasuta nga kining biktima ang gikan sa iyang trabahoan niadtong tungora, apan gitouhang tungod kay wala kini suga sa motorisklo, maayong pagkasungag sab sa laing motorsiklo nga susama kaniya wala gihapon suga.
Tungod sa kusog sa impact sa pagkabangga, milagpot ang biktima ug grabeng kadaot sa lawas ang naangkon.
Gisuwayan kini og dala sa NMMC apan dead on arrival nga gideklarar sa mga doctor.