HUMAN makagawas sa ospital, diretso dayon sa "It's Showtime" si Vice Ganda aron palipayon ang "madlang people."
Niadtong Biyernes, way bakas nagagikan sa sakit ang komedyante dihang miapas siya sa noontime show, ug misayaw sa "Purok Katatawanan" segment kauban ang uban pang mga host.
Pagseguro ni Vice Ganda, okay na iyang kahimtang.
"I'm so back and I'm so okay... Okay na, ayos na... Maning-mani, kinindat ko lang," matud ni Vice Ganda nga nagpasalamat sab sa tanang mga doktor ug nurse nga nag-alaga kaniya.
Misakit ang tiyan sa komedyante hinungdan nadala kini sa ospital.
Pagtin-aw ni Vice Ganda, ang paghalok niya kang "Ate Girl" Jackque Gonzaga ang hinungdan kung ngano siyang na-ospital.
"Alam mo kung bakit ako na-ospital? Kiniss ko kasi si Jackque, na-food poison ako! Hindi raw kaya ng sistema ko," pasiaw ni Vice Ganda.