SADYA nga suroyan karong panahona ang tulo ka probinsiya sa Davao Region - Davao del Norte, Davao del Sur ug Davao Oriental - tungod sa ilang pagsaulog sa ika-singkuwenta'y uno ka tuig sukad sa pagkahimugso niini niadtong Hulyo 1, 1967.
Si Congressman Lorenzo Sarmiento ang dili makalimtan kada tuig kon saulogon kini sa tulo ka probinsiya tungod kay siya ang bugtong congressman sa 1 Davao province, nga maoy amahan sa pagbahin ngadto sa tulo ka probinsiya pinaagi sa pag-aproba sa Republic Act 4867 niadtong Mayo 8, 1967, ug opisyal nga gi-inagurahan, Hulyo 1, 1967.
Latas sa mga katuigan nga milabay, tulin ang mga kalamboan sa tulo ka probinsiya, gani ang tulo ka lungsod nga maoy kapital niini, nahimo nang mga dakbayan nga mao ang Tagum, Digos, ug Mati.
Kini tungod kay gikuptan sa mga politiko nga project and development oriented nga mao si Governor Douglas Cagas sa DavSur, Governor Corazon Malanyaon sa DavOr, ug Governor Rodolfo del Rosario sa DavNor.
Naghisgut man kita og DavNor, karong adlawa, Hunyo 25, 2018, magpahigayon og State of Province Address (SOPA) si Governor AGR nga ipahigayon sa RDR Gym. Magsugod kini sa ala una y medya sa hapon.
Mubo lang ang unod sa iyang SOPA, pero puno sa mga mahinungdanong butang nga nagpalambo sa probinsiya.
Sa DavSur, walay Sopa nga ipahigayon si Gov. Cagas, pero busy kanunay tungod kay maoy nangulo sa mga aktibidad ug ang ilang culmination day, pagahimuon sa Davao del sur Coliseum sa Hulyo 1, sa umaabot nga Dominggo.
Sa probinsiya sa DavOr, ambot og unsay mga kalihukan nila karong panahona. Wala man sila magpadala og mga program activities sa ilang pagsaulog sa 51th anniversary. Kon sa bagay, duna na man silay mga radio station sa Mati City, problema lang, kay dili makuha ang signal sa tibuok probinsiya. Pagpadala sab Gov. Nelson Dayanghirang og daily activities sa imong probinsiya? Total libre man, walay bayad.
Happy 51th Anniversary sa DAVNOR, DAVSUR ug DAVOR.
Panacan Relocation
Niadtong Hunyo 20, 2018, Miyerkules, gisaulog sa Panacan Relocation ang ika-44th nga kasumaran sukad sila gibalhin gikan nianang gipuwestohan karon sa Eastern Mindanao Command (EASTMINCOM).
Kini nahitabo niadtong Hunyo 20, 1974. Si Barangay Kapitan Fortunato "Porting" Apostol ang kapitan sa Panacan niadtong panahona ug si Mayor Luis Santos mao atong mayor sa dakbayan sa Davao.
Trese anyos pa ang edad ni Konsehal Dante Apostol, ug 2 anyos pa usab ang edad sa atong napili nga kapitan niadtong milabay'ng barangay and SK election, Doce Apostol.
Sadya ang maong kalihukan, tungod gitambongan gayud sa tanang mga lomolupyo sa Panacan Relocation. Gitambongan usab kini ni kanhi Congressman Vincent Garcia.
Gidungan usab ang thanksgiving sa team Apostol nga maoy daghang midaug sa milabaye'ng barangay ug SK eleksiyon.
Sa kasaysayan, ang mga Apostol wala gayud biyai sa katawhan sa barangay Panacan sulod sa kapin lima ka dekada na ang milabay. Kini tungod sa legacy nga gibilin sa ilang amahan, ang maayong pagdumala sa barangay.
Mabuhay ang 44th Panacan Relocation foundation!