WALA gipadaplin sa Police Regional Office (PRO)-Davao inay gihimoan og makuting pagpanubay ug pagpaniid ang mikatag nga impormasyon sa social media nga dunay mga gipamaligya nga "candy" gawas sa mga tunghaan nga dunay sagol nga ilegal nga druga.
Si PRO-Davao spokesperson Chief Inspector Milgrace Cajes Dris nagbutyag nga mohimo pa og dugang lakang ang kapulisan sa rehiyon aron di kini mahitabo pinaagi sa pagpakusog sa kampanya sa pagbatok sa mga gidiling druga.
"PRO-Davao do not discount this information, or possibilities. We have to be pro-active in our efforts especially on the anti-illegal drug operations," ingon ni Driz.
Una niini, migula sa social media nga dunay gitawag nga "strawberry quick" nga usa ka matang sa bag-ong nadiskubre nga druga nga giporma og mga nagkadaiyang prutas ug kolor ug giingong ipamaligya sa gawas sa mga tunghaan.
"No need to panic but just be aware, this is just a reminder for all of us and let us treat this positively and pro-actively. We reminded all parents, guardians and teachers to take their full efforts to watch over their children and to monitor their activities, talk to them as often as possible," dugang ni Driz.
Wa suma pa'y dautan sa mikatag nga taho sa social media inay nagmatngon ang katawhan labi na ang mga ginikanan sa pag-edukar sa ilang mga anak kung unsay maayong kaunon sud sa tunghaan.
"Be a responsible parents or guardians to your children, report immediately to the police or any concern authorities of this kind of incident," ingon niya.
"It also smells like strawberry and it is being handed out to kids in school yards. They are calling it strawberry meth or strawberry quick. Kids are ingesting this thinking that it is candy and being rushed off to the hospital in dire condition. It also comes in chocolate, peanut butter, cola, cherry, grape and orange," tipik sa usa ka mensahe nga mikatag sa social media ning mga panahona.
Giawhag ni Driz ang mga tagdumala sa mga tunghaan nga mobutang og mga closed-circuit television (CCTV) camera sa mga strategic areas aron makatabang sa pag-monitor sa mga kadudahang lihok sa mga tawo nga dunay dautang tumong.