NIPOSTE og rekord si Ray Parks Jr. sa iyang pag-agak sa Mandaluyong El Tigre sa 71-61 nga kadaugan batok sa Zamboanga Valientes sa miaging gabii sa Maharlika Pilipinas Basketball League (MPBL) Datu Cup sa Imus City Sports Complex sa Cavite.
Gawas nga nakamugna siya og 13 puntos, si Parks nikulit sab og bag-ong rekord sa liga nga 15 ka assists unya aduna pa’y pakapin nga unom ka rebounds, duha ka steals ug usa ka 1 block.
Ang nakapakuyaw pa sa gipakita ni Parks kay usa ra ka turnover ang iyang nahimo.
“I challenged him (Parks), especially after those issues came out,” matod ni Mandaluyong coach Mac Cuan.
“Ray you’ve been doing well, earning back-to-back MVP honors in the ABL. Don’t ruin yourself by saying things like that.”
Si Parks nabutang sa kontrobersya gumikan sa iyang pagpanaway sa officiating sa liga human napilde ang El Tigre batok sa Muntinlupa Cagers sa premiro nilang duwa.
Sa main game, ang gibira paubos sa General Santos City Warriors ang host Imus Bandera, 79-73. (ESL)