Mexico mitipi sa South Korea sa WC

WINNING KICK. Si Carlos Vela sa Mexico nga nakaipsot sa depensa sa South Korea niining aktoha atol sa duwa sa Group F match sa 2018 soccer World Cup sa Rostov Arena sa Rostov-on-Don niadtong Sabado. AP
WINNING KICK. Si Carlos Vela sa Mexico nga nakaipsot sa depensa sa South Korea niining aktoha atol sa duwa sa Group F match sa 2018 soccer World Cup sa Rostov Arena sa Rostov-on-Don niadtong Sabado. AP

MITIKANG paduol sa last 16 round ang Mexico sa 2018 soccer World Cup human patapsingi niini ang South Korea, 2-1, niadtong Sabado sa Rostov-on-don, Russia.

Ang penalty ni Carlos Vela ug ang breakaway goal ni Javier Hernandez maoy naglansang sa Mexico sa ilang panagsangka sa Group F sa matag upat ka tuig nga kompetisyon.

Ang Mexico, kinsa mipakaging sa Germany sa opening game, unang naka goal sa ika-26 minutos sa dihang nalipat ni Vela ang goalkeeper sa South Korea nga si Cho Hyun-woo.

Sa ika-66 minutos, si Hernandez na usab ang nidugang og laing goal nga gigamitan sa iyang kalantip ug kaabtik nga ataki nga naghatag kanila sa labaw -attack

Si Son Heung-min ang bugtong naka goal sa South Korea human sa iyang perpektong strike.

Sa kadaugan, ang Mexico aduna nay sais puntos samtang ang South Korea nahimutang sa apiking sitwasyon ug kuli na kaayong makasulod sa sunod round.

Ang Germany nga wa pay puntos makigsangka sa Sweden nga may tres puntos sa sunod nilang tahas sa ilang grupo. (JBM)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph