202 na ang gibadlong sa Talisay

MOKABAT na ngadto sa 202 ka mga tawo ang gisita sa Talisay City Police Office (TCPO) nga di na magtambay panahon sa kagabhion human gipatuman ang Oplan Tambay Sita sukad niadtong Martes.

Sa operasyon nga gihimo sa TCPO, 75 na ka mga menor de edad ang ilang gisita human nilapas sa oras sa ting-curfew samtang 60 na sab ang gibadlong nga nag-inom sa gidiling lugar.

Matod ni P/Supt. Marlu Palomari Conag, acting Talisay City police chief, nga ‘stern warning’ pa lamang ang ilang gihimo ug wa pa nila kini pangdakpa.

Apan gibaharan na niya daan ang mga gibadlong nga pamultahon na kini sa sunod higayun nga makit-an pa nila nga molapas sa ordinansa sa siyudad.

Laing 33 na sab ang ilang nasita nga naghukas sa karsada ug 34 ang nanigarilyo sa pampublikong dalan. (Jude Suhot, Correspondent)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph