DAVAO CITY -- Kompirmadong modula si Cagayan de Oro City National Master Levi Mercado sa 19th ASEAN Age Group Chess Championships 50-above seniors individual classical rapid ug blitz events karong Lunes, Hunyo 25 didto sa The Royal Mandaya Hotel dinhi.
Dili unta moapil si Mercado kay igo lang siya niuban sa iyang estudyante nga nidula sa 8-under boys division dinhi.
Hinuon wala siya makadula sa individual classical standard, naaghat siya nga modula sa rapid ug blitz categories sa pagkumbinsi ni Team CdeO chess head coach Johnnel Balquin.
Dako sab og tabang ang iyang pagsalmot kay makatabang kini sa RP team nga makalanglat og gold sa team event.
Labina sab, spesyalista kini ni Mercado ang rapid ug blitz events.
Gawas sab, makadugang kini og dungog sa dakbayan.