WALA lang hibaw-e, ubay-ubay man diay sa mga sikat nga personalidad sa Philippine showbiz ang mahimo nang senior citizen sa di madugay.
Siguradong daghan sa ilang mga supporter ug fans ang maka-relate ani. Ah, siyempre apil na ko or kita. Mosugot man ta’g sa di, adto man gyud ta tanan padung. Agree? Hehe.
Sa music industry, silang Gary Valenciano (54 anyos), ZsaZsa Padilla (54) ug Martin Nievera (56).
Samtang ang mga kanhi matinee idol nga padung mo-senior silang Gabby Concepcion (54), Albert Martinez (57), William Martinez (56), Rey PJ Abellana (55), Rowell Santiago (54) ug Lloyd Samartino (58).
Padung senior
Ang lain pang mga sikat nga hapit na mahimong senior mao silang Alma Moreno (59), Michael de Mesa (58), Dina Bonnevie (57), Ricky Davao (57), Rio Locsin (57), Willie Revillame (57), Randy Santiago (57), Lorna Tolentino (56), Amy Austria (56), Dennis Padilla (56), Tetchie Agbayani (56); Sandy Andolong (56); Cherie Gil (55), Jinggoy Estrada (55), Jackie Lou Blanco (54), Jaclyn Jose (54), Carmi Martin (54), Tonton Gutierrez (54), Maricel Soriano (53), Rita Avila (53), AiAi delas Alas (53), Ronnie Ricketts (53).
Edad 50 pataas
Samtang ang mga sikat nga artista nga nipatong na edad 50 o pataas: Yayo Aguila (50), Lani Mercado (50), Ogie Alcasid (50), Rustom Padilla (50), Vivian Velez (50), Raymond Bagatsing (50), Herbert Bautista (50); Pops Fernandez (51), Richard Yap (51), Ariel Rivera (51), Agot Isidro (51), Bong Revilla (51), Sharon Cuneta (52); Snooky Serna (52), Richard Gomez (52), Jose Manalo (52), Ruby Rodriguez (52), Jamie Rivera (52) ug uban pa.
Walwal
Gikan sa mga edaran, ari ta sa mga bagets kay talk of the town karon ang barkada movie nga “Walwal” nga gibituonan nilang Elmo Magalona, Donny Pangilinan, Kiko Estrada, Jerome Ponce, Devon Seron, Miss Multinational 2018 Sophia Senoron ug Kisses Delavin.
Ang walwal usa ka millennial term nga buot ipasabot magwala, maghubog, gimik, or party till you drop.
Ang paghulagway nila dinhi sa cast nga mga walay uwaw, walay buot, walay lingaw, walay nahot, mga walwal. Gikan sa Regal entertainment pero ang mga artista gikan sa Star Cinema.
Feeling nako mokita ni tungod sa ilang cast nga “in” karon sa mga batan-on. Showing na ni ugma, Miyerkules, Hunyo 27, in over 100 theatres nationwide.