Mga opisyal sa Dole 7 gireklamo

GIREKLAMO ngadto sa buhatan ni Labor Secretary Silvestre Bello III ang tag-as nga mga opisyal sa Department of Labor and Employment (Dole) sa Central Visayas kabahin sa lahugay nga gipatuman sa ilang mga sakop epektibo ning buwana.

Apan sumala nila ni Dole 7 Director Alvin Villamor ug officer-in-charge (OIC) assistant regional director Roy Buenafe nga ang mga empleyado igo lang gibalhin gikan sa usa ka division ngadto sa laing division nga ang mga buhatan naa ra usab mahimutang sud sa compound sa Dole 7.

Matod ni Buenafe nga way pangan ug pirma sa suwat reklamo nga gipaabot ngadto sa buhatan ni Bello, pinetsahan og Mayo 25, nga nisaysay nga way basehanan ang pagdestino sa 29 ka mga empleyado sa Dole 7 sa mga dapit nga layo sa ilang mga pamilya.

“Pamasangil na nila kay seguro nasakitan sila sa pag-manage nato sa region,” padayag ni Buenafe sa Superbalita Cebu kagahapon. (SCG)