SECTIONS
Friday , April 27, 2018
BACOLOD

Powerade wa gibaligya

WALA gibaligya ang Powerade Tigers ug magpabilin kini sa Philippine Basketball Association (PBA).

Nagkanayon si PBA Commissioner Chito Salud nga mao kini ang giklaro ni Coca-Cola Bottlers Philippines Inc. President/CEO Williams Schultz sa usa ka suwat ngadto sa PBA Board of Governors.

“Its franchise has not been sold and that the ownership, operation and management of the Powerade team remain intact under CCBPI control,” asoy ni Schultz.

Gipaneguro ni Schultz nga kon makadesider gyud silang ibaligya ang ilang PBA franchise, mosubay gyud sila sa lagda sa liga.

“It will follow the proper process should it decide to consummate the sale of its franchise, namely by first notifying and requesting approval for a sale from the PBA Board of Governors,” dugang ni Schultz.

Sa laing bahin, ilugan sa first day winners Barako Bull ug B-Meg Llamados ang sayong liderato sa ilang panagharong karong hapon sa pagpadayon sa PBA Commissioner’s Cup sa Araneta Colisuem.

Sunod nga magsangka mao ang Petron Blaze Boosters ug Meralco Boltz. (Frank Calapre)


VIEW COMMENTS