SECTIONS
Thursday , April 26, 2018
BACOLOD

Editoryal: Gun ban ipatuman

NAGTINGUHA karon ang lokal nga kagamhanan nga mopatuman og gun ban sa dakbayan sa Davao.

Kini gitumong aron nga mamentinar ang kahapsay ug kalinaw sa dakbayan ilabi na sa pagsaulog sa Araw ng Dabaw.

Mogama og mga sumbanan ang siyudad alang sa maong lakang ug palagdaan kang Philippine National Police Director General Nicanor Bartolome.

Hinuon, ang maong gun ban himuon lang sulod sa upat ka adlaw gikan Marso 14 ug matapos sa Marso 17. Kini aron nga maseguro nga di tugawon sa mga dautang elemento ang kasaulogan.

Naandan nang gibuhat sa dakbayan nga mohimo og nagkadaiyang kalihukan o aktibidad sa nagkalain-laing dapit dinhi sa Poblacion aron sa paglingaw sa Dabawenyo atol sa Araw ng Dabaw. Busa angay lang nga hugot ang pagbantay sa seguridad.

Sumala ni Mayor Sara Duterte nga nga panahon nga dunay gun ban, mokunhod gyud ang kriminalidad sa usa ka lugar.

Gawas sa gun ban, ipadayon sab ang pagpatrolya sa kapulisan, random checkpoint, ug pagpakatap og dugang puwersa apil na ang mga sundalo.

Nindot kining tinguha sa Davao alang sa maong katuyoan. Apan mas nindot unta kon di lang sa Araw ng Dabaw ipatuman ang gun ban apan sa matag adlaw tungod sa pagsiaw karon sa mga holdaper.

Gawas sa ilang pagpanulis, magpusil sab sa ilang mga biktima.

Kon kini ang makapaubos sa kriminalidad, mas nindot kon sa tibuok tuig na lang ipatuman ang gun ban.


VIEW COMMENTS