SECTIONS
Tuesday , May 22, 2018
BACOLOD

Giingong nanghinol, gipangluba

OSPITAL ang gipadulngan sa duha ka mga lalaki human gipangluba sa wala maila nga mga suspetsado human giingong nagbinastos sa mga babaye kagahapon mga alas 3:30 sa kadlawon sa Cogon, ning siyudad sa Cagayan de Oro.

Giila ang duha ka mga biktima nga mao sila si Jemar Mark, 17, ug Julbon Ucab, 19, ulitawo, residente sa susamang dapit.

Gibutyag ni Jemar nga wala silay apil niadtong tungora sa pagbinastos sama sa pagpanghinol sa mga babaye samtang nag-inom sa maong dapit. Kuyog nila niadtong tungora ang mga higala nga trabahante sa gitukod nga dakong mall sa siyudad.

Dihang apektado na og ilimnong makahubog ang ilang mga higala na maoy nagsayaw ug giingong nagbinastos na sa mga babaye nga anaa niadtong tungora.

Tungod niini, pipila ka mga lalaki ang kalit lang miduol kanila ug deretso silang gipangsumag, wala pa nakuntento giluba pa sila. Naigo kini sa iyang tiyan samtang likod naigo si Ucab.

Ang mga biktima gipangdala sa NMMC ug gipasalamatang luwas na sa makuyawng kahimtang. (SVB)


VIEW COMMENTS