SECTIONS
Monday , May 21, 2018
BACOLOD

Nietes andam sa 12 rds

TALIWALA sa mga obserbasyon nga kadudahan ang iyang stamina, gipasalig ni defending WBO lightweight champion Donnie Nietes nga andam siyang makigsinukliay sa kumo batok sa Mexican challenger nga si Felipe Salguero bisan og moabot pa kini ngadto sa 12 ka rounds.

Ang 12-round title bout maoy main event sa Pinoy Pride XIV nga ipahigayon sa Newport Performing Arts Theater sa Resorts World Manila ugmang adlawa.

Kini maoy unang depensa ni Nietes, 30, maong titulo nga iyang nalangkat gikan sa Mexicanong si Ramon Garcia pinaagi sa unanimous decision didto sa Bacolod City sa niaging Oktubre.

Si Nietes kinsa way pildi sa uwahi niyang 20 ka away maoy kanhi mi­nimuweight champion sulod sa upat ka tuig sa wa pa kini niya ibakante.

Ingon niya nga pinaagi sa video sa tulo kaaway ni Salguero iya nang na­­estudyohan ang estelo sa away niini. Iyang gihulagway nga susama usab kaniya og style si Salguero kinsa kusog mogamit sa iyang jab ug usa ka distant fighter.

Sa supporting bout, ang wa pay pildi nga si Milan Milendo, 24, giparang usab ni kanhi world champion Jesus Geles sa Colombia.

Ang kadaugan ni Mi­­lendo maoy maghatag ka­niya og dalan nga makaaway na alang sa
world title.


VIEW COMMENTS