SECTIONS
Friday , May 25, 2018
BACOLOD

Lariosa: Wanted: Abtik nga DepEd

ANG Deptartment of Edunation (DepEd) kon hunahu­naon gikubalan na sa naandang mga suliran inigbukas sa klase matag Hunyo. Kay naa man dayon nang mga kuwang: mga magtutudlo, mga lawak-saringan (classroom), lingkuranan. Pakapinag gubang kasilyas, buslot nga atop ug nag-uyog-uyog nga sawog.

Kining maong mga suliran tiguwang pang Mampor. Kanunayng di masulbad ti­ngali di maayong pagkatubag o gipasagdan lang sa mga tagtungod nga mga opisyal. Makaingon ta nga wa pa gyud makit-i ang abtik nga liderato diha sa maong ahensiya.

Buot natong usbon ang sistema sa edukasyon, apan wa gyud ta makasulbad ning yanong mga suliran kansang kasulbaran makatabang kaayo sa mga tinun-an nga daling makat-on sa ipangtudlo.

Lisod ang pagkat-on kon magtindog o magyaka sa sawog. Kinsay makat-on kon tapuk-an ang usa ka classroom kay kuwa’g magtutudlo. Way ganahan mo­eskuyla kon ang klase naa sa gawas ubos sa lan­dong sa kaymito.

Sa among panahon, tunga sa tuig nga diha mi magklase ubos sa landong sa Kaymito. Matag karon ug unya sakdapsakdapan mi sa langgam tikarol (kingfisher) nga nangita sa iyang paris. Tunga sad sa tuig nga nabalda ang among pagkat-on.

Gibalita nga 132 ka libo ka mga magtutudlo ang kuwang diha sa mga tunghaang publiko sa tibuok nasod. Ato sang nasayran nga kapin sa 21 ka milyon ang mga tinun-ang gibanabana nga motungha karon apil na sa mga pribadong eskuylahan.

Gitan-aw nga 2 porsiyento ang saka sa gidaghanon sa mga tinun-an karon tandi sa miaging tuig Mao kini ang panglantaw (forecasting), sa ato pa may basihanan diay unta ang DepEd nga ilang masulbad ang kakuwangan.

Ang DepEd maoy usa sa mga ahensiya nga dako og badyet. Kon ang releases sa kuwarta maoy nakalangan sa mga proyekto di kini katuohan. Nganong kusog man kaayo ang mga proyekto sa mga Kongresistang kurakot nga ang pundo gikan sa ilang pork barrel.

Naa ni sa pag-follow-up didto sa Department of Budget. Ang top officials unta hands on sa pagtuman sa ilang katungdanan. Gamiton ang kait-on ug katakos pagsulbad niining naandang mga suliran.

Ang pagsalig sa Pamuno kanila labi na sa Kalihim sangko seguro sa langit mao nga kini sila gipangtudlo. Tingali upat ka K ang gipasikaran ni P-Noy sa pagtudlo kaniya: Kait-on, kaligdong, kamatinud-anon ug kaabtik.

Apan sa gipakita niya wa gyud niya matandog kining naandang mga suliran. Apan may higayon pa siya kay naa pay laing tuig paghatag niyag higayon pagmatuod sa upat ka K labi na ang kaabtik.

Sayri Kini. Atong sangpiton ang pamilya ni Gemelo Cadiz nga nagtrabaho sa gawas. May nangita niya nga suod nga foreigner nga nia sa Sugbo. Palihog sa pagkontak ning maglilindog sa 0923-9092798.


VIEW COMMENTS