SECTIONS
Saturday , May 26, 2018
BACOLOD

Lola nabanggaan, patay

DEAD on arrival sa balay tambalanan ang usa ka lola human nabanggaan ug gibiyaan sa motorsiklo niadtong Huwebes mga alas 7:30 sa gabii sa San Antonio, lungsod sa Jasaan, Misamis Oriental.

Giila ang biktima nga mao si Florencia A. Galeto, 82, minyo, residente sa susamang dapit.

Si Police Officer 3 Henry Gavia, traffic investigator sa Jasaan Police Station nga nahinabi sa Sun.Star SuperBalita, niingon nga patabok unta ang biktima sa kalsada kay aduna man sab kini anak sa pikas nga bahin apan wala namatikdan niini nga adunay kusog kaayong mipadagan nga motorsiklo.

Maayong pagkasungag sa biktima hinungdan nga nilagpot ug nabunal ang ulo sa sementadong kalsada.

Matud ni Gavia nga bisan nagkadugo na nga nagbuy-od ang biktima taliwala sa dalan gibiyaan lang kini sa driver sa motorsiklo nga paingon sa lungsod sa Jasaan.

Gisuwayan paggukod ang motorsiklo apan wala na kini masapon.

Ang biktima gidali og dala sa Jasaan Community Hospital apan dead on arrival nga gideklarar sa doktor.

Panawagan ni Gavia sa driver nga unta motahan na og atubangon ang kaso niini labina ang mga hingtungdan desidido nga mopasaka og kaso.


VIEW COMMENTS