SECTIONS
Friday , May 25, 2018
BACOLOD

Ulitawo milala og hilo

USA ka ulitawo ang gidala sa balay tambalanan human naluya dihang miinom og hilo niadtong Miyerkules mga alas 6 sa gabii sa lungsod sa Lagonglong, Misamis Oriental.

Giila ang biktima nga mao si Benjie Fernandez, 21, residente sa susamang dapit.

Saysay sa amahan sa biktima nga maoy midali og dala niini sa Northern Mindanao Medical Center (NMMC) ning siyudad sa Cagayan de Oro nga dili buot pa niyang ipa-ospital ang iyang anak tungod sa kalagot niini apan mipatigbabaw gihapon ang kaluoy human sa tambag sa mga silingan.

Nasayran nga aduna kini uyab nga taga siyudad sa Gingoog apan gibulagan kini hinungdan sa paglasong niini sa ilang puloy-anan.

Giingong gipamuak sa biktima ang ilang mga kabtangan ug gipanglabay ang baso ug mga plato. Kaisa ra kini nakauyab gani gusto na magminyo ang biktima apan wala gidahom niini ang gihimong pagbulag sa uyab.

Kalit lang dayon nga misulod ang biktima sa lawak nga wala namatikdan nga aduna diay gibitbit samtang nagikan kini sa kusina.

Maoy naduiskubre sa amahan nga luya na kaayo kining nagbuy-od sa lawak ug tupad na ang botelya sa malathione.

Rason sa amahan nga daw pakaulaw lang ang biktima kung iya kining dalahon sa ospital apan mitambag ang mga silingan nga patambalan kini.

Sa pagsulat ning balita, luwas na ang biktima sa makuyawng kahimtang. (SVB)


VIEW COMMENTS