SECTIONS
Friday , May 25, 2018
BACOLOD

Militante mihimo sa ilang SONA

NIPADANGAT sa ilang kaugalingon nga bersyon sa State of the Nation Address (Sona) ang mga militanteng pundok sa Sugbo kagahapon pipila ka oras sa wala pa mobatbat si Presidente Benigno Aquino III sa iyang nahimo nga kalambuan sa nangaging duha ka tuig sa iyang pagdumala sa Pilipinas sa hawanan sa Ubos Bay- Balauranan.

Ang mga militante nagbitbit pa og mga buwad ug kamote nga alang nila nagsimbolo sa tinuoray nga kahimtang sa mga Pilipino ubos sa administrasyon ni Aquino.

Nipakita usab sila sa ilang bersyon sa report card nga nihatag og hagbong nga grado sa presidente tungod kay matod nila mas nisamot ang ilang kalisod ug wa makatagamtam sa mga programa nga gipanghambog sa presidente nga maghatag og kalambuan sa mga pamilyang Pinoy.

Si Jaime Paglinawan, chairman sa Bayan Central Visayas, nagkanayon nga pulos lang mga pagarpar ang gipamulong ni Presidente Aquino sa iyang Sona.

Matod niya ang tinud-anay nga kahimtang sa mga Pinoy kay nagkaguliyang ug way kaseguradohan ang kahimtang sa panarbaho sa nasod.

Iyang gisaysay nga ba­se sa survey sa Social Weather Station niadtong Marso, niabot na og 13.8 milyones ang nagpangita og trabaho. Sa laing survey, mikabat usab sa 4.8
milyones ka mga pamilya ang nipadayag nga gipanggutom sila.

Nidugang siya nga bisan og niusos ang way, apan daghan lang kini gihapon.


VIEW COMMENTS