SECTIONS
Monday , May 28, 2018
BACOLOD

Wakee mi-file gyud sa iyang kandidatura

LIBOAN ka mga supporter ni boxing promoter Rex “Wakee” Salud ang nanagpanun ug nagpunsisok sa lungsod sa Cordova atol sa pagduso sa certificate of candidacy (COC) sa mga kandidato sa Team Wakee kagahapon sa buntag.

Gitug-an ni Salud nga ang Pinoy Boxing champ Manny Pacquiao maoy nag-agni kaniya nga molansar pagka-mayor sa Cordova kay matod niya nga aduna sila’y dakong investment nga makatabang sa pagpalambo sa maong lungsod.

Hingpit nang naka-file si Salud sa iyang COC sa buhatan sa Commission on Elections
(Comelec) sa lungsod sa Cordova bisan pa man sa kontrobersiya sa dihang gisalikway sa korte nga siya ilhong botante sa lungsod aron siya makapapili.

Si Salud makig-atbang ni magpapili Cordova Mayor Adelino Sitoy kinsa una nang namahayag nga mosang-at og reklamong “contempt” batok sa kadagkuan sa Comelec ingon man kang Salud sa higayon nga dawaton ang iyang COC.

Ang mga kaalyado ni Salud nga miduso na usab sa ilang mga COC gilangkuban nila ni Dra. Rowena Tongco, pagka-bise mayor ug mga konsehal Johnson Tan III, Dominador Aytona, Maning Pacaldo, Maning Biongcong, Edwina Premacio, Cora Borromeo ug Renato Bontol.

Gibana-bana nga moabot sa 5,000 ka mga supporter ni Salud ang midagsa sa parokya sa San Roque sa Poblacion diin usa ka santos nga misa ang gipahigayon kagahapon sa alas 8 sa buntag sa wa pa magpanon paingon sa buhatan sa Comelec.

Ang mga supporter pulos nanagsul-ob og puti nga t-shirt nga adunay marka nga “For God and Country, Wakee” inubanan sa puwa nga flaglets nga adunay napatik “We Love Cordova, Wakee na.”

“Gibuhat nila ang tanan aron babagan ko. Apan kutob sa akong mahimo ako ning padayunon,” matod ni Salud ngadto sa mga tigbalita.

Samtang ang usa sa mga abogado ni Salud nga si Manificus Canete mipahibawo nga moduso sila og motion for reconsideration human gibasura ang petition sa iyang kliyente nga molansar sa public office ingon man motion for inhibition batok kang Regional Trial Court Judge Rafael Yrastorza Sr. nga miluwat og desisyon nga nagbabag ni Salud iyang tinguhang magpapili.

Masaligon si Cañete nga molahutay ang tinguha sa iyang kliyente sa higayon nga ila nang maduso ang ilang appeal ngadto sa korte.

“Dili away akong tuyo sa Cordova, but kausaban ug kalambuan,” matod pa ni Salud.


VIEW COMMENTS