SECTIONS
Saturday , May 26, 2018
BACOLOD

Serna: Halad sa Kabataan, Di Ingon Nato, Gob. Gwen…

UGMA, Sabado, sugod sa ala 1:30 s.h. magtigi na ang mga banggiitang kabataan sa lalawigan sa Sugbo alang sa tulo ka bangga kalabot sa 6th Halad sa Kabataan, proyekto sa Prov’l. Council for the Welfare of Children nga gipangulohan ni Gob. Gwen Garcia.

Magpalabwanay sila sa abilidad sa guitar duet, vocal solo ug rondalya. Ang mga finalists sa guitar duet mao sila si Clark Resula ug Loweh Jay Trazona (Cordova), Ian Mark Belocura ug Allan Barcoma (Barili), Scott Wilson Divinagracia ug Ailyn Casinto (Ginatilan), Carlo Marie Gonzalez ug Roland Vincent Sales (Minglanilla), Joebert Ian Castro ug Joseph Daniel Alvarez (Danao City), Rondoe Abonales ug Rodger Costillas (Mandaue City),

Kye Chavez ug Churchill Bulak (Carcar City), Jun Aldrich Layague ug Jethryl Fritz Alarde (San Remegio), Alory Mae Arellano ug Ma. Priscilla Aboyador (Bantayan), Jason Herebias ug Jose Jacob Melliza (Toledo City) Charles Mendoza ug Elora Dane Sanchez (Liloan), ug Ciara Joy Calledo ug Rhiza Marie Davide (Argao).

Sa pagkanta, ang finalists mao sila si Dionalyn Holganza (Balamban), Kriscia Isla Apuya (Borbon), Hanna Krister Reponte (Dalaguete), Genevieve Roche Flores (Mandaue City), Rhett James Malazarte (Aloguinsan), Brian Degamo (Cordova), Hannah Jocyl Maningo (Danao City), Khiem Shemmer Rustia (Madridejos), Eilden Mae Jorolan (Badian), Mariel Minglanilla (San Fernando), Stephanie Cañedo (Sibonga) ug Marielle Montellano (Tabogon).

Ang Argao Rondalla, Sisters of Mary – Girls Town Rondalla ug Pooc National High School Rondalla magtigi usab. Sige! Let’s see the scatter! Hehe.

Sa di pa ko malimot, akong timbayahon si Gob. Gwen og ‘Malipayong kasumaran sa adlawng natawhan, Gob!’

***

Sa labing unang higayon, mopasalida ang mga SM City Cinemas sa tibuok nasud sa usa ka pelikulang Bisaya atol sa pagsaulog sa Kalagkalag (Halloween sa western nga mga nasud) karong Okt. 31, bisperas gyud sa Kalagkalag.

Kining maong pelikula, Di Ingon Nato, apil sa Cinema One film festival ug usa sa mga gidugukan og maayo sa mga tumatan-aw dihang gidala ang maong festival dinhi sa Sugbo di pa lang dugay. Pero limitado ra ang pagsalida niini adtong panahona kay daghan man ang mga pelikula nga apil sa festival.

Ang mga bida niini naglakip nila ni Mercedes Cabral, Rez Cortez, Greg Tecson, Donna Gimeno, Daday Melgar ug uban pa. Nindot ang pagkahimo niining pelikulaha mao nga angay gyud kining suportahan sa mga Bisaya aron makakita ang mga tag-iya sa SM City nga duna diay manan-aw sa mga pelikulang Bisaya ug di na maglisod ang mga prodyuser pagpasalida sa ilang mga proyekto.

Ang mga di Bisaya makasabot ra gihapon kay duna may English sub-title. Nakaapil kini sa Macabro Film Festival sa Mexico (maong duna usab kini Kinatsila nga sub-title) diin midaug kinig award. Manan-aw ta ha! Bantay bitaw.

***

Napurnada ang among ensayo sa volleyball gahapon kay kusog kaayo ang ulan. Hinaut nga di moulan karong gabii kay himoon na usab namong mga mahiligon sa bisekleta sa Kapitolyo ang among night bike ride nga nasugdan niadtong Biyernes.

Wa bay ulan diha sa Bohol, Fel Francis Alcalde Rendon? Aw, di man sad hinoon ka
mabalda kay naa man ka pirmi sulod sa imong luho nga sakyanan. Maayo ka diha uy!

Pero kon dia ka sa Sugbo, magbisikleta ta o molangoy ba hinoon ha! Way lihay sa sabot aron way…. Ah…basta!

***

Mas gwapa si Tintin Patrimonio sa personal. Nagkauyon mi nila ni Troy Ciar ug Ryan Mark ani.

May plano siyang moapil sa Bb. Pilipinas sunod tuig. May purohang modaug kay gawas nga maanyag, nakuha usab niini ang height sa iyang papa nga si Alvin.

Sa laing bahin, si Divine Smith busy kaayo karon paghimo sa iyang album diin pulos niya sinulat ang mga kanta. Puparehas kunog matang sa mga kanta ni Chris Brown.

Himoanan pa hinoon kinig tono sa usa ka langyaw nga musikero. Nanghinaut si Divine nga mahuman kini ug mabaligya sayo sa sunod tuig.

Si Tintin ug Divine ang mga bisita ni Ms. Rosemarie Gaisano niadtong Sabado atol sa pagbola sa Sakyanang Pang-Negosyo sa Gaisano Balamban Town Square.


VIEW COMMENTS